Pesë ditë pas deklaratës së kreut të Grupit Parlamentar të Partisë Socialiste, Taulant Balla se mazhoranca është tërhequr nga paketa anti-shpifje, OSBE ka reaguar duke përshëndetur vendimin e qeverisë shqiptare.
“Jam e kënaqur që qeveria në Shqipëri tërhoqi nga axhenda parlamentare projektligjet e diskutueshme për median, të njohur si paketa “anti-shpifje”.
I gjithë legjislacioni në lidhje me median duhet të garantojë lirinë e medias në përputhje me angazhimet e OSBE-së dhe standardet e tjera ndërkombëtare” tha përfaqësuesja e OSBE-së.
I am pleased that the #Albania government withdrew the controversial draft media laws, known as the “anti-defamation” package, from parliamentary agenda. All media related legislation must guarantee #mediafreedom, in line with #OSCE commitments & other international standards.
— OSCE media freedom (@OSCE_RFoM) October 24, 2022
Çfarë tha Balla?
Pas polemikave të krijuara lidhur me ligjin për median që kanë të bëjnë me shpifjen, dua të rikonfirmoj se ne kemi tërhequr ndryshimet ligjore që janë bërë para tre vitesh.
Në kushtet që jemi, edhe në shumë vende ka rezoluta në PE kundër dezinformimit dhe ne kemi një rezolutë të tillë. Në fakt kemi një rrezik të vazhdueshëm që sponsorizohet me rublat ruse.
Rusia ka ndikuar në minimin e demokracisë, duke favorizuar edhe mediat. Ky pushtet i katërt duhet të mos bjerë në financimet e paligjshme nga aktorët që minojnë demokracinë.
