Ngrirja është një mënyrë shumë e përshtatshme dhe e lehtë për të ruajtur ushqimin, megjithatë, jo të gjitha produktet janë të përshtatshme për t’u futur në frigorifer.
Le t’i hedhim një sy ushqimeve që mbajmë në frigorifer dhe nuk duhet të ngrihen kurrë.
Vezët
A keni vënë re ndonjëherë se vezët zakonisht nuk gjenden në seksionin e ushqimeve të freskëta të supermarketeve? Kështu që nuk duhet të mendoni t’i vendosni në frigorifer. Nëse i ngrini të tëra, temperatura e ulët do të shkaktojë çarje në lëvozhgë dhe më pas veza do të prishet.
Perimet dhe frutat e pasura me ujë
Pjepri, shalqiri, domatja, kastraveci… Të gjitha këto janë shumë të pasura me ujë dhe nuk duhen futur në ngrirje. Si marule dhe zarzavate të tjera sallatë. Pas shkrirjes, ato humbasin strukturën dhe shijen e tyre.
Djathëra të freskët dhe të butë
Djathërat e freskët (gjizë, rikota, djathi i dhisë, djathi barishtor, etj.) dhe djathërat e butë, si mocarela, definitivisht nuk mund të ngrihen. Për shkak se ato përmbajnë shumë ujë, temperatura e ulët do të ndryshojë strukturën dhe shijen e tyre.
Patatet
Patatet, ashtu si rrepkat, nuk duhen futur në ngrirje sepse humbasin lëndët ushqyese dhe ndryshon strukturën e tyre. Mënyra më e mirë për të ruajtur patatet është t’i ruani në një dollap të errët larg burimeve të nxehtësisë.
Majonezë dhe krem pastiçerie
Majoneza që keni bërë duhet të konsumohet brenda pak ditësh nga frigoriferi. Nëse e vendosni në ngrirje, do të humbasë cilësinë dhe shijen dhe nuk do të hahet. E njëjta gjë vlen edhe për kremrat e ëmbëlsirave.
