Ledina Riza zgjidhet anëtarja e 11-të e KLP. Ajo mori 113 nga 200 vota, pas mbledhjes së prokurorëve. Riza garoi përballë Etien Kapos, i cili mori 83 vota.
Komisioni i Pavarur i Kualifikimit, vendosi më 5 mars 2021 të konfirmojë në detyrë prokuroren e Tiranës Ledina Riza, pasi konkludoi se ajo kishte arritur nivel të besueshëm në vlerësimin e pasurisë dhe pastërtisë së figurës, si dhe nivel kualifikues në vlerësimin e aftësive profesionale.
Prokurorja Riza u vlerësua pozitivisht për pastërtinë e figurës dhe nuk u identifikuan mangësi profesionale. Ndërsa, për kriterin e pasurisë u debatua lidhur me mungesat financiare të konstatuara për një pjesë të likujditeteve. KPK nuk evidentoi gjetje penalizuese në pasuritë e paluajtshme dhe të luajtshme që disponohen nga prokurorja Riza dhe bashkëshorti i saj.
