Një tjetër aksident i rëndë është shënuar mbrëmjen e kësaj të mërkure në Lezhë.
Ndrec Lleshi, i cili po udhëtonte me një motoçikletë ka mbetur i plagosur. Ai u përplas nga një makinë aksin Lezhë-Laç, në afërsi të kryqëzimit të Treshit.
68-vjeçari është dërguar në spitalin rajonal të Lezhës, nga ku mësohet se ndodhet nen kujdesin e bluzave të bardha jashtë rrezikut për jetën.
Kjo e mërkurë ka qenë tejet problematike për sa i përket aksidenteve rrugore. Deri më tani janë shënuar 4 aksidente dhe 3 vdekje.
