Izraeli ka filluar prodhimin e gazit në Karish, një zonë në det të hapur, mes një marrëveshjeje kufitare detare që pritet të nënshkruhet së shpejti me Libanin.
Eksplorimi i gazit natyror prej 2.4 trilionë metra kub të Karishit kishte tërhequr zemërimin e grupit të Hezbollahut të Libanit.
Ai e kishte quajtur nxjerrjen e gazit nga ujërat e kontestuara përpara përfundimit të çdo marrëveshjeje një “vijë të kuqe”.
Na ana tjetër, kompania e hidrokarbureve me bazë në Londër, Energean, tha se gazi i parë ishte dorëzuar, pasi Izraeli dha lejen të martën për fillimin e prodhimit.
Mathios Rigas, Kryeshefi Ekzekutiv i Energean, nëpërmjet dokumenteve lidhur me projektin, tha se ata kishin ofruar një projekt historik që sjell konkurrencë në tregun izraelit të gazit.
Ai rrit sigurinë e furnizimit me energji në rajonin e Medinës Lindore dhe sjell energji të përballueshme dhe të pastër që do të zëvendësojë prodhimin e energjisë me qymyr.
Izraeli dhe Libani ranë dakord në fillim të këtij muaji për të vendosur një kufi detar për herë të parë dhe për të krijuar një mekanizëm për të dyja vendet, për të eksploruar fushat e gazit në det të hapur.
Marrëveshja e ndërmjetësuar nga SHBA-të pritet të finalizohet të enjten gjatë një ceremonie në qytetin libanez Naqoura, me delegacione nga Izraeli dhe Libani që nënshkruajnë marrëveshjen në dhoma të veçanta.
