Ish-Kryetari i Partisë Demokratike Sali Berisha ka qenë i ftuar në ‘News 24’ përballë gazetarëve. Ai tha se Partia e Lirisë ka pranuar të kontribuojë në primare.
Sipas tij, asnjë kandidat nuk mund të garojë nga të dyja partitë pa kaluar nga primaret. Ky është vendimi edhe i delegatëve. Parimi themelor është referendum në të cilën dy forcat politike zotohen ti kthejnë shqiptarëve lirinë.
‘Demokracia shqiptare ka nevojë jetike për lirinë e tyre. Partia e Lirisë ka pranuar primaret si praktikë demokratike e përzgjedhjes së kandidatëve. Këto zgjedhje mund të jenë edhe nga shoqëria civile.’, tha Berisha.
Kujtojmë se, Partia Demokratike ka publikuar udhëzimet mbi afatet dhe procedurat për zhvillimin e Primareve për përzgjedhjen e kandidatëve në zgjedhjet lokale të vitit të ardhshëm.
Në udhëzimin e shpërndarë për mediat, PD sqaron se kandidatët për primaret duhet të plotësojnë një sërë dokumentacionesh duke nisur nga Formulari i Kandidimit, tek jetëshkrimi, aktiviteti profesional si dhe deklaratë për respektimin e Etikës dhe Integritetit.
Për kandidatët e propozuar nga anëtarësia, ngarkohet që çdo degë e PD-së, në takimet që zhvillon me anëtarësinë, të marrë emrat se kë preferojnë ata të kandidojë për primaret.
