Sali Berisha dhe Ilir Meta ishin në një fjalë në momentin e marrëveshjes së sotme për zgjedhjet lokale duke e cilësuar historike.
“Marrëveshja është historike sepse kjo marrëveshje angazhon forcat tona politike për primaret dhe konsolidimin e tyre. Në mënyrë që të marrë fund kryetarokracia. Zotin Meta e kam garantuar së PD do të mbështesë fuqimisht nismën referendare.
Kjo është mjeti më kryesor për të shëruar për të rikthyer demokracinë në Shqipëri, që është në agoni të plotë. Shpreh kënaqësinë për këtë marrëveshje që e konsideroj historike. Kjo shënon fillimin e fundit të Ramës dhe Velisë” tha Berisha.
Në të njëjtin mendim ishte padyshim edhe Ilir Meta. “Doja të shprehja kënaqësinë më të madhe për këtë marrëveshje historike. Që është marrëveshja më parimore që i shërben demokracisë, llogaridhënies në vend.
Kjo na angazhon si PD-në, s si forca kryesore opozitare, si partinë e Lirisë për garantimin e demokracisë direkte.Fitore në Tiranë dhe shumicën dërrmuese të bashkive në Shqipëri” tha ai.
