Faruk Ozer, ish-bosi turk i kriptomonedhës Thodex ka bërë rekurs vendimit të gjykatës për ekstradimin e tij drejt Turqisë.
Më herët ai është shprehur se në shtetin turk i rrezikohet jeta. Seanca e radhës nga Gjykata e Elbasanit për Ozer është caktuar që të mbahet më 1 nëntor, ku do të vendoset për ekstradimin e tij.
Faruk Fatih Ozer u arratis nga Turqia me 2 miliardë dollarë, të cilat i kishte fituar duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”. Ai kishte mashtruar rreth 360 mijë përdorues të kompanisë së tij, ‘Thodex’.
Ozer rezultoi të ishte futur në Shqipëri nga pika e kalimit kufitar të Rinasit më 20 prill të vitit të shkuar.
