Ditën e sotme Kremlini ka pretenduar se “mobilizimi i pjesshëm” i qindra mijëra rezervistëve rusë i shpallur në shtator tashmë është plotësuar.
Sergei Shoigu, ministri rus i mbrojtjes, tha se 82,000 rekrutë të mobilizuar janë tashmë në Ukrainë, ndërsa 218,000 të tjerë janë duke përfunduar trajnimin ushtarak.
Moblizimi i njoftuar më herët nga autoritetet ruse ishte një thirrje për të gjithë qytetarët që kishin përvojë të mëparshme ushtarake, megjithatë mijëra të rinj rusë u dyndën të largoheshin nga vendi mes frikës së rekrutmit të padëshiruar.
