Rusia u tërhoq nga një marrëveshje kyçe e drithit e ndërmjetësuar nga Kombet e Bashkuara, duke provokuar zemërim ndërkombëtar dhe duke i dhënë një goditje përpjekjeve për të lehtësuar një krizë globale ushqimore të shkaktuar nga pushtimi i Moskës në Ukrainë.
Të shtunën Moska tha se po pezullonte pjesëmarrjen në marrëveshjen e Detit të Zi, në përgjigje të asaj që e quajti një sulm të madh me dron ukrainas në flotën e saj.
Presidenti ukrainas Volodymyr Zelensky tha se Kombet e Bashkuara dhe grupi i 20-ës (G20) duhet të përgjigjen të fortë ndaj lëvizjes së pakuptimtë të Rusisë.
Presidenti i SHBA Joe Biden e quajti masën “thjesht të egër”, duke thënë se do të rriste urinë, ndërsa kryediplomati i tij akuzoi Rusinë për armatosje të ushqimit.
“Çdo veprim i Rusisë për të ndërprerë këto eksporte kritike të grurit është në thelb një deklaratë që njerëzit dhe familjet në mbarë botën duhet të paguajnë më shumë për ushqim ose të mbeten të uritur”, tha në një deklaratë Sekretari i Shtetit Antony Blinken.
