Mbrëmjen e djeshme një atentat i mori jetën Briken Sanaj 39 vjeç. Si rrjedhojë policia ka shoqëruar dhjetëra persona në komisariat. Mësohet se Sanaj ishte babi i 2 fëmijëve dhe kishte vetëm 2 vite që ishte kthyer nga Italia.
Sipas të dhënave grupi hetimor shpresat për zbardhjen e ngjarjes janë tek kamerat e sigurisë.
Parkoi makinën në garazh dhe më pas u qëllua, ja si u vra Briken Sanaj
Zona ku ka ndodhur ngjarja ka dhjetëra kamera sigurie. Ato janë sekuestruar te gjitha, për me qëllim zbardhjen apo identifikimin e ndonjërit prej autorëve. Burime nga grupi hetimor bëjnë me dije se në automjetin e djegur janë gjendur shumë pak prova, ku sipas burimeve targa e mjetit benz AA777GY, rezulton e vjedhur, çka shton dyshimet për një atentat të organizuar.
Autorët janë kujdesur të mos lënë prova as në vend ngjarje. Sanaj, është qëlluar tre herë nga një distancë e afërt.
Ku autorët kanë hapur pak xhamin e mbarpëm të mjetit e më pas kanë qëlluar tre herë të riun, dy prej plumbave e kanë kapur në fytyrë. Ne vend ngjarje policia ka gjetur deri më tani vetëm një gëzhojë, ndërsa dy të tjerat dyshohet se kanë rënë në automjetin e djegur.
