Deputeti i Partisë së Lirisë thotë vjedhja ndaj qytetarëve me çmimin e naftës është lëshuar pa duar, duke thënë se prej 20 ditësh nuk po mblidhet. Vasili merr shembullin e Maqedonisë së Veriut, duke theksuar se brenda 5 ditësh e ka ulur dy herë çmimin e naftës.
Vasili ka bërë dy kërkesa, sipas tij urgjente: Të shkrihet Bordi i Transparencës dhe të miratohet projektligji i Partisë së Lirisë për heqjen e taksës së qarkullimit dhe të karbonit.
‘Bordi i naftes e leshon pa duar vjedhjen e shqiptareve, ka 20 dite qe s’mblidhet! Bordi i hajduteve, qe cakton cmimin e naftes nuk mblidhet, qe ne 12 tetor pasi gozhdoi cmimin ne 240 lek per liter. Cmimi i naftes ne bursa ka rene deri ne 15% ndersa bordi i hajduteve nuk e leviz cmimin ne menyre qe vjedhja te vazhdoje. Maqedonia e ul dy here cmimin brenda vetem pese diteve dhe aktualisht eshte 189 lek litri. Ndersa ne Kosove sot cmimi i naftes eshte 202 lek litri. Bordi ka 20 dite qe duke mos u mbledhur e ka leshuar pa duar vjedhjen.
TE SHKRIHET MENJEHERE BORDI I HAJDUTERISE! TE MIRATOHET PROJEKTLIGJI I PARTISE SE LIRISE PER HEQJEN E TAKSES SE QARKULLIMIT DHE TE KARBONIT’, shkruan Vasili.
