Një 40-vjeçar ka ndërruar jetë mbrëmjen e sotme në kryeqytet, pasi është zënë poshtë nga një sasi inertesh, teksa ishte duke punuar.
Ngjarja e rëndë është regjistruar në rrugën ‘5 Maji’, ku sipas policisë, në një objekt në ndërtim e sipër, kanë rënë materiale inertesh duke zënë poshtë punëtorin e objektit, shtetasin V. L., rreth 40 vjeç, i cili si pasojë e dëmtimeve të marra ka ndërruar jetë.
‘Tiranë/Informacion paraprak. Më datë 01.11.2022, në rrugën “5 Maji”, në një objekt në ndërtim e sipër, kanë rënë materiale inertesh duke zënë poshtë punëtorin e objektit, shtetasin V. L., rreth 40 vjeç, i cili si pasojë e dëmtimeve të marra ka ndërruar jetë. Grupi hetimor ndodhet në vendngjarje dhe po punon për sqarimin e rrethanave të ngjarjes.’, njofton Policia e Shtetit në lidhje me ngjarjen.
