Deputeti i Partisë Demokratike Edi Paloka në një deklaratë për mediat tha se grupi i Berishës ka këmbëngulur për bashkëpunim.
Unë dua të them që më vjen keq që arritëm në këtë përfundim. sinqerisht, edhe gjatë bisedimeve nuk e kam pasur këtë impresion, por më duhet ta them sot, sepse duke lexuar deklaratën e dalë prej grupit të tyre, duket se në asnjë moment qëllimi nuk ka qenë bashkëpunimi.
Mesa duket i gjithë qëllimi i kësaj farse paska qenë zhbërja e vullnetit të demokratëve, zhbërja e stautit të PD, sepse e thashë, duke lexuar këtë deklaratë vetëm këtë mendim arrij të nxjerr.
Gjatë gjithë kohës, në diskutimet që kemi bërë, PD i ka krijuar të gjitha hapësirat e mundshme, modalitetet e mundshme në mënyrë që bashkëpunimi dhe ndërthurrja edhe e kandidatëve dhe asaj pjese të PD që ende nuk është angazhuar në struktura, të ishte e plotë.
E vetmja gjë për të cilat ne nuk kemi hyrë në diskutimi dhe e kemi ngritur që ditën e parë, kanë qenë primaret. Dhe duhet tju them që statuti, edhe i vjetri i PD, ai që sot ata e konsiderojnë si statutin e tyre, edhe ai i ka primaret. Pra nuk ka asnjë pikë, qoftë edhe në statut që ne të na përplasë për primaret.” tha Paloka.
