Rusia planifikon të tërhiqet nga qyteti Kherson ta paraqesë atë si një evakuim të civilëve, sipas zyrtarëve perëndimorë.
Kherson, i cili konsiderohet si “porta e Krimesë”, ishte një nga qytetet e para të pushtuara nga trupat ruse pas fillimit të pushtimit të Ukrainës 24 shkurt.
Trupat e Putinit janë në faza të avancuara të përgatitjeve për një tërheqje, pasi kanë zhvendosur trupat në qytet për të mbuluar shpinën e atyre që ikin dhe për të forcuar mbrojtjen në anën lindore të lumit Dnieper, thanë zyrtarët për Daily Mail në kushte anonimiteti.
Megjithëse lëvizja përfundimtare nuk është bërë, të njëjtët zyrtarë besojnë se komanda ruse ka vendosur që tërheqja në anën lindore të Dnieper do të përmirësojë shanset e tyre për të mbajtur terrenin e tyre në rajon ndërsa dimri i ashpër ukrainas afrohet.
