Për fundjavën territori shqiptar do të karakterizohet nga vranësira dhe shira intensivë në të gjithë vendin, ku më të fokusuara do të jenë në zonat Veriore dhe Jugore. Ndërsa zonat Lindore do të kenë më pak reshje.
Kryesisht reshjet e shiut do të përqëndrohen në Jug Perëndim të vendit, Vlorë, Gjirokastër dhe Sarandë. Po ashtu reshje të dendura parashikohen edhe në Shkodër.
Edhe dita e diel do të karakterizohet nga vranësira dhe reshje shiu, por më të lehta. Ndërkohë nga e hëna dhe në vijim parashikohet mot me diell.
Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 4°C deri në 22°C.
Era do të fryjë mesatare dhe e fortë me shpejtësi 65 km/h nga drejtimi Jugor duke krijuar në brigjet detare dallgëzim mbi 5 ballë.
