Policia e Korçës ka arrestuar tre persona për prodhim dhe shpërndarje kanabisi.
“Në vijim të operacionit antidrogë të koduar “Knock Down 2″, të finalizuar më datë 28.10.2022, për goditjen e veprimtarisë kriminale në fushën e prodhimit dhe shpërndarjes së lëndëve narkotike, specialistët e Seksionit për Hetimin e Trafiqeve të Paligjshme dhe Narkotikëve bënë arrestimin në flagrancë të shtetasve: S. J 31 vjeç, J. R 19 vjeç dhe E. T 35 vjeç, banues në Korçë,” thuhet në njoftimin e policisë.
Tre të rinjtë u arrestuan në rrugën Ravonik-Korçë, gjatë kohës që ata po lëviznin me automjetin tip “Renault”, që drejtohej nga shtetasi J. R.
Gjatë kontrollit fizik të ushtruar ndaj këtij shtetasi, u gjet një sasi cannabis sativa gjithashtu gjatë kontrollit të ushtruar në banesën e shtetasit S. J u gjet dhe u sekuestrua një sasi lëndcannabis sativa.
Materialet i kaluan Prokurorisë pranë Gjykatës së Shkallës së Parë Korçë, për veprën penale “Prodhimi dhe shitja e narkotikëve”, kryer në bashkëpunim.
