Dy anije bamirësie me emigrantë refuzuan të largohen nga porti i Katanias pasi qeveria italiane bllokoi zbarkimin e tyre ditën e diel.
Komisioni Evropian kujtoi të hënën “detyrimin ligjor dhe moral” të shteteve anëtare për të shpëtuar jetët e njerëzve në rrezik. Zëdhënësja Anitta Hipper deklaroi se Komisioni nuk është përgjegjës për operacionet e koordinimit në det, apo për vendin e zbarkimit.
Ndërsa zëdhënësja e Ministrisë së Jashtme gjermane tha se Berlini zyrtar është në kontakt me autoritetet italiane.- Advertisement –
“Shpëtimet në det të hapur nuk duhet të pengohen. Është detyrimi ynë moral dhe ligjor të mos i lëmë njerëzit të mbyten. Ky duhet të jetë qëllimi i veprimeve tona”, tha Andrea Sasse, zëdhënëse e Ministrisë së Jashtme të Gjermanisë.
