Gjykata ka marrë të pandehur ish-kreun e njësisë Administrative të Kallmetit në Lezhë, Besnik Simoni, i cili u përfshi në një konflikt me armë zjarri me një bashkëfshatar të tij në muajin prill.
Fqinji i tij Altin Marku akuzohet për vrasje në tentativë dhe armëmbajtje. Altin Marku ka qëlluar me armë zjarri plot 9 herë në drejtim të ish-funksionarit të pushtetit vendor, Besnik Simoni.
Ky i fundit i është përgjigjur me armë zjarri duke qëlluar 19 herë me armë zjarri.
Të dy personat mbeten të plagosur, por 41-vjeçari Besnik Simoni ka mohuar të ketë qëlluar me armë zjarri ndaj bashkëfshatarit të tij, ndërsa arma nuk është arritur të gjendet.
Përplasja me armë zjarri ndodhi mesditën e 1 prillit, në rrugën që lidh fshatin Kallmet me superstradën Lezhë-Shkodër.
Altin Marku ka thënë se kishte qëlluar me armë zjarri për vetëmbrojtje. Problemet mes tyre kishin nisur një vit përpara ngjarjes.
