Ish-kryetari i komisionit të reformës në drejtësi, Fatmir Xhafaj nga foltorja e kuvendit ku foli për buxhetin i kërkoi drejtësisë së re rezultate.
Ai tha se gjyqtarët dhe prokurorët duhet t’i kthejnë popullit me rezultate investimin në këtë reformë.
“Njerëzit e drejtësisë duhet të justifikojnë besimin me rezultate në dhënien e drejtësisë, sidomos në luftën ndaj korrupsionit.
Me reformën në drejtësi për fat të keq ka ndryshuar shumë pak qasja jonë me sistemin. Duhet një qasje tjetër me sistemin. Pikë së pari nga kjo sallë me retorikën ndaj sistemit” tha ai.
