Me mijëra shqiptarë janë mbledhur ditën e sotme në Westminster Bridge, afër parlamentit britanik për të protestuar kundër deklaratave të bëra nga Sekretarja e Brendshme e Britanisë së Madhe Suella Baverman.
Në kërkesat e tyre ata kanë kërkuar shkarkimin e sekretares së Brendshme dhe që qeveria t’ju kërkojë falje.
“Këtë javë kemi takim me një studio ligjore dhe do të ngremë padit për qeverinë britanike dhe protesta tjetër do të jetë me 28 nëntor dhe do të bllokojmë rrugën kryesore të Britanisë.
Por fillimisht presim nga studioja ligjore, se çfarë mund të bëjmë për akuzat e qeverisë. Këtu 0.1% merren me ato që quhen “shtëpi bari” pjesa tjetër punojnë dhe jetojnë në të gjitha mënyra, janë profesorë dhe biznesmen. Këtu në Londër 1200 biznese janë të ngritur vetëm nga shqiptarët,” është shprehur njëri nga emigrantët.
