Fluksi i emigrantëve shqiptarë në Britani është kthyer në kryefjalë. Së fundmi, kryetari i këshillit lokal të famullisë në fshatin anglez Manston, ku është vendosur kampi ka sugjeruar që emigrantët shqiptarë të dërgohen në Skoci ku mund të “shfrytëzohen” për punë.
Guy Wilson, kryetar i Këshillit të Famullisë Manston, tha se përgjigja e tij është politikisht korrekte është se ka një detyrë ligjore që të kujdesen për ta, tu ofrojnë strehim dhe ushqim.
“Përgjigja ime është se ne kemi një fuqi punëtore të reduktuar në Angli dhe Skoci, dhe shumë nga këta emigrantë të rinj nga Shqipëria – ata të moshës 18 deri në 30 vjeç – mund të shpresojmë të ‘përdoren’ nga Nicola Sturgeon.
Ata mund të bashkohen me fuqinë punëtore. Ata mund të marrin leje pune për të punuar në Skoci dhe të rrisin në mënyrë të konsiderueshme ekonominë e produktivitetin skocez. Shumica e emigrantëve janë të përgatitur të punojnë për pak gjë” – tha Guy Wilson.
