Shqipëria do të jetë me alternime kthjellimesh dhe vranësirash përgjatë gjithë ditës. Pritet që gjatë paradites i gjithë vendi të ketë vranësira të shpeshta të cilat herë pas here do të pësojnë zhvillime duke sjellë reshje të pakta dhe të izoluara.
Reshjet më të dukshme do të jenë në zonat Jugore. Ndërsa në vijim pritet përmirësim i lehtë dhe gradual i kushteve të motit.
Temperaturat e ajrit do të mbeten konstante në mëngjes, POR do të rriten lehtë në mesditë duke luhatur vlerat ditore nga 3°C deri në 19°C.
Era do të fryjë mesatarisht me shpejtësi 55 km/h nga drejtimi Jugor duke krijuar në brigjet detare dallgëzim mbi 4 ballë.
