Ambasadorët e vendeve të NATO-s janë mbledhur të mërkurën paradite për t’u konsultuar për shpërthimin në lindje të Polonisë, në kufi me Ukrainën.
Takimi është udhëhequr nga Sekretari i Përgjithshëm i NATO-s, Jens Stoltenberg.
Gjithashtu është njoftuar se pas Këshillit të NATO-s, Stoltenberg do të dalë para shtypit në Bruksel.
Sekretari i Përgjithshëm i Aleancës vuri në dukje, se nuk është ende e qartë se kush e ka hedhur. “Është e rëndësishme që të gjitha faktet të kontrollohen”, shkroi Stoltenberg në Twitter. Sekretari i Përgjithshëm i Aleancës nuk foli as për raketa e as për Rusinë, por për një “shpërthim në Poloni”.
