Një lajm që trondit opinionin sportiv nga prag të Botërorit, FIFA lajmërohet për dyshime për manipulime të ndeshjeve miqësore të Katarit!
Një nga partnerët e integritetit të FIFA-s ka kontaktuar organin qeverisës botëror në ditët e fundit duke theksuar se janë akorduar një numër jashtëzakonisht të lartë penalltish pro Katarit në miqësoret e tyre para Kupës së Botës.
Mes tyre edhe ndaj Shqipërisë, e përfunduar me rezultatin 1-0 në Marbella të Spanjës më 9 nëntor. Sipas medias britanike kjo ka ndodhur për shkak se Katari të kishte një imazh të mirë përpara Botërorit, që pritet të ngrejë siparin nesër.
Paralajmërimi i integritetit të FIFA-s gjithashtu vë në dukje se edhe partnerët e tyre të monitorimit të ndeshjeve kanë luftuar për të zbuluar të dhëna për lojërat në fjalë./ Daily Mail
