Një shpërthimi i mbytur dhe më pas flakë dhe tym, janë ato që ka parë biznesmeni Ndue Pjetrushi rreth orës 4 të mëngjesit, dhe makina e tij u dogj plotësisht.
Në një intervistë për mediat, Pjetrushi është shprehur se nuk ka konflikte me njeri dhe se kamerat e sigurisë nuk punonin për shkak të një problemi teknik.
“Rreth orës 4 pa 10 diçka e tillë isha në gjumë, kur kam dëgjuar një shpërthim të mbytur. Kam dalë në ballkon e kam parë makinën duke e djegur. Në moment kam lajmëruar policinë. Erdhi policia dhe zjarrfikësja dhe bën procedurat e veta.
Nuk kam asnjë konflikt me askënd, të gjithë që më njohin e dinë që nuk jam i problemeve. Unë merre me biznes në fushën e hidrokarbureve. Shteti bën punën e vet. Mund të jetë dhe zjarrvënie e qëllimshme, mund të ketë marrë dhe vetë. Atë mund ta nxjerrë vetëm hetimi.
Kamerat nuk kanë punuar, DVR ka pas probleme dhe e kam çuar për ta riparuar”, tha biznesmeni.
