Dy gola për tre pikë dhe tre rekorde. Ky është Ener Valencia, që shënoi dy herë në fitoren 2-0 të Ekuadorit ndaj Katarit në Kupën e Botës.
Sot, goli i tij i parë i ndeshjes hyri edhe në historinë e Botërorëve për tre arsye të ndryshme.
E para ishte sepse në fakt penalltia nga e cila erdhi goli, rezulton të jetë e para që akordohet në favor të Ekuadorit në historinë e Botërorëve.
Përveç kësaj, kjo ishte hera e parë që goli i parë i një Botërori vinte me një gjuajtje nga pika e bardhë.
Gjithashtu Ener Valencia bëhet futbollisti më i vjetër në moshë që shënon golin e parë të një aktiviteti të tillë.
Në moshën 33 vjeç e 16 ditë, ai theu rekordin që mbahej nga Alesandro Altobeli i cili në moshën 30 vjeç e 184 ditë shënoi ndaj Bullgarisë në Botërorin e vitit 1986.
