Moti i keq vijon që të sjellë reshje me intensitet në Shkodër duke shkaktuar dëme të shumta nga përmbytjet.
Reshjet e vrullshme të shiut kanë dëmtuar urën e vjetër të Bahçallëkut. Për rrjedhojë për shkak të rrezikut është ndaluar qarkullimi mbi urën e re të Bahçallëkut.
Ndikuar edhe nga hapja e portave të HEC-eve kanë filluar përmbytjet e para në kryeqendrën e veriut.
Afro 1 mijë hektarë tokë bujqësore ndodhen nën ujë, ku Ana e Malit dhe Guri i Zi janë njësitë më problematike.
