Babë e bir, Pjetër dhe Jason Rushaj ndërruan jetë dje si pasojë e përmbytjeve në Malësi të Madhe, pasi makinën me të cilën po udhëtonin e mori përroi në Bogë.
Fatmirësisht shpëtoi vajza, e cila kishte dalë më herët nga makina.
Trupat e të atit dhe djalit u gjetën sot në mëngjes, pas 16 orësh kërkime.
Tronditja ishte e madhe, jo vetëm te familja dhe të afërmit, por te i gjithë qyteti.
Në rrjetet sociale mesazhet dhe postimet kanë qenë të shumta. Jason Rushaj ishte pjesë e akademisë së futbollit në Malësi të Madhe.
Pasioni dhe ëndrra e tij për futbollin u prenë në mes nga moti i keq.
