E jashtëzakonshme. Mrekulli. Një përmbysje spektakolare. Nuk ka fjalë që mund të përshkruajë fitoren 2-1 të Arabisë Saudite përballë Argjentinës së Lionel Messit.
Skuadra e Scalonit e nisi mjaft mirë ndeshjen duke shënuar në minutën e 10 me Messin dhe u duk se gjithçka ishte në rrugën e duhur për të marrë tre pika pa shumë lodhje.
Por në pjesën e dytë ishte e Arabisë Saudite, që në minutën e 48-të barazoi shifrat me Al Shehrin.
Pak minuta më vonë ndodh mrekullia, ku në të 53-tën Al Dawsari lëshon një predhë nga distanca duke përmbysur rezultatin në 1-2.
Në fund, Messi u detyrua të përulet përballë arabëve.
