Kryeministri Edi Rama e pranoi sot se portin e Durrësit nuk do ta ndërtojë kompania “Emar”, por një tjetër që ka themeluar posaçërisht për këtë projekt, investitori Mohamed El Alabbar.
“Nuk është “Emari” thonë, dhe thonë ky është mashtrim. Duke mos pasur asnjë lloj cipe. Mirë mua më dinë si veten e tyre, llupës të pangopur.
Por akuzojnë për mashtrim një personalitet, themeluesin dhe drejtuesin e “Emar”, që është në të drejtën e tij të vijë në Shqipëri me një kompani fringo të re, sikur ka shkuar në Serbi, apo vende të tjera. Ama boll që në ballë të këtij operacioni të jetë ai, Alabari” tha ai.
Në marrëveshje thuhet se shteti i ka falur taksat kompanisë, por Edi Rama mohoi që TVSH-ja të mos vilet dhe pranoi që heqja e taksës së infrastrukturës është kontribut i shtetit.
“Asgjë nuk është falur, janë 1.069 mln euro që shteti do të përfitojë nga TVSH, tatim fitimi dhe taksa të tjera. Taksa e ndikimit në infrastrukturë është kontribut i ortakut shtet. Shteti ka veto për projektin, borxhin dhe cdo vendimmarrje në rëndësi” tha ai.
LIVE-Rama për Berishën dhe Metën: “Napoleoni i Gjirizave” dhe “Dervishi i spiunëve”
