Gazeta spanjolle sportive, Diario AS ka shpërndarë lajmin se trajneri i Liverpool, Jurgen Klopp është i interesuar të transferojë Cristiano Ronaldon në Anfield.
Super ylli portugez është një futbollist i lirë pas largimit të tij nga Manchester United dhe polemikat se ku do të transferohet ai pas përfundimit të Kupës së Botës është kryefjala e mediave.
Por lajmi i një transferimi te “Reds” mbetet një nga thashethemet më të çmendura të këtyre ditëve pasi asnjëra palë nuk ka shprehur një konfirmim.
Megjithatë është e vështirë të besohet në një informacion të tillë.
Ronaldo nuk është aspak lojtari që Liverpool do të kërkonte duke pasur parasysh moshën, egon, pagën dhe një sërë faktorësh të tjerë.
