Japonia ka mundur të bëjë sot një natë magjike ndaj Spanjës duke fituar me rezultatin 2-1. Spanjollët kaluan në avantazh në minutën e 11-të me anë të Morata pas një asistimi nga Azipilicueta. Ky interval kohor ishte pak intensive në aspektin e ndërhyrjeve, pasi Japonia mori 3 kartona të verdhë.
Pjesa e dytë ishte befasuese për iberikët. Në minutën e 48-të Doan shënon duke barazuar shifrat. Por nuk kaloi shumë dhe Japonia përmbys rezultatin në minutën e 51-të me anë të Tanaka, ku VAR e vonoi konfirmimin pasi po shikonte për parregullsi, por në fund goli ishte i rregullt.
Dështojnë ‘Pancerat’, Gjermania eliminohet turpshëm nga “Katar 2022”
Spanja luajti pjesën e mbetur komplet në fushën e aziatikëve, por nuk po gjenin rrugën e golit. Japonia me këtë fitore e përfundon aventurën e grupeve në vendin e parë dhe do të ndeshet me Kroacinë, ndërsa Spanja në vendin e dytë dhe gjen Marokun. Gjermania dhe Kosta Rika jashtë Kupës së Botës.
