Vladimir Shuli, mjeku në Gramsh është dhunuar pasditen e djeshme me mjete të forta në banesën e tij. Shuli, i cili mban rolin e mjekut të familjes në lagjen “Sporti”, ka pësuar dëmtime të shumta në qafë, kokë dhe nofull.
Ai është dërguar me urgjencë në spitalin e Traumës, pasi për shkak të dëmtimeve të shumta është gjetur nga familjarët në gjendje kome.
Mësohet se aktualisht mjeku është në një gjendje kome dhe në rrezik për jetën. Policia ende nuk ka asnjë të dyshuar për ngjarjen.
