Presidenti i Iranit, Masoud Pezeshkian, deklaroi se Teherani është i gatshëm të japë garanci dhe të ndërtojë besim lidhur me programin bërthamor, por pa pranuar kufizime që bien ndesh me ligjin ndërkombëtar apo që synojnë shuarjen e plotë të tij.
Ai theksoi se “Irani nuk do të pranojë kurrë të reduktojë aktivitetet bërthamore në zero”, ndërsa paralajmëroi një përgjigje të fortë ndaj çdo agresioni nga Izraeli.
Deklarata vjen në një kohë tensioni të lartë, pas sulmeve izraelite më 13 qershor ndaj objekteve bërthamore në Iran dhe kundërpërgjigjes së menjëhershme nga Teherani, që ka shkaktuar përplasje të ashpra në rajon.
