Vendasit në Florianopolis në Brazil po përballen me pasoja shkatërruese të përmbytjeve të shkaktuara nga stuhitë e dendura të shiut ku për pasojë kanë mbetur të vdekur 2 persona.
Autoritetet shpallën gjendjen e jashtëzakonshme në 30 qytete.
Reshjet e fuqishme të ujit të cilat kanë shkaktuar gjithashtu edhe rrëshqitje dherash në shumë qytete i kanë marrë jetën 2 personave ndërsa dhjetëra të tjerë rezultojnë të zhdukur.
Në Santa Catarina, njerëzit lëviznin nëpër rrugë me varkë ose duke ecur thellë në ujë me baltë.
Punonjësit e shpëtimit në vendngjarje kanë deklaruar se moti i keq po ndërlikonin përpjekjet e kërkimit.
Përmbytjet kanë dëmtuar rrugë, ura dhe ndërtesa në shtetin jugor të Santa Catarina.
Pamjet ajrore të siguruara nga qeveria tregojnë rrugët e qytetit Santo Amparo da Impreatriz janë të mbuluara me baltë si dhe lumenj të cilët kanë dalë nga shtrati.
Mbi 880 persona janë evakuuar.
Donacione për të ndihmuar familjet e prekura nga përmbytjet janë dërguar në rajon për të prekurit.
Përmbytjet në këtë kohë të vitit në Brazil janë të zakonshme të cilat kanë sjellë dëme të pallogaritshme materiale.
