Motra e Cristiano Ronaldo-s, Elma Aveiro ka shpërthyer në kritika së fundmi pas lënies në stol të yllit portugez në përballjen me Zvicrën.
Ajo ka bërë postime në rrjetin e saj social Instagram kundrejt trajnerit të Portugalisë, Fernando Santos.
Ajo publikoi një foto në instastory dhe shkroi: “Sot jemi të gjithë bashkë, nëse mendoni se duhet të jetë kështu, unë jam këtu për ta parë”.
Më tej, ajo bëri një urim për Portugalinë pas fitores dhe në fund bëri edhe një kritikë pasi vëllai i saj ishte përjashtuar nga formacioni dhe u fut në lojë në pjesën e dytë të ndeshjes.
“Po Ronaldo nuk është i përjetshëm, po Ronaldo nuk do të luajë përgjithmonë, për fat të keq ai nuk shënon gola tani, ai është i moshuar. Portugalia nuk ka nevojë për Ronaldon. Ne folëm për atë që dëgjuam, gjithçka që ai bëri nuk është e rëndësishme, gjithçka që bëri u harrua.”
Më parë ka reaguar edhe partnerja e Ronaldos, Georgina Rodriguez e cila u shpreh se stadiumi nuk ka ndaluar se brohorituri emrin e tij.
“Ndërsa 11 lojtarët këndonin himnin, i gjithë fokusi ishte tek ti. Sa keq që nuk mundëm të shijonim lojtarin më të mirë të botës të luante për 90 minuta. Stadiumi nuk ka ndalur duke bërtitur emrin tënd me të madhe,” ka shkruajtur ajo.
