Një tjetër dështim. Sot policia nuk arriti që të arrestonte asnjë person të shpallur në kërkim për operacionin “Plumbi i Artë” që u finalizua disa muaj më parë, por “kokat” arritën që të shpëtonin.
Mes emrave të bujshëm në kërkim janë; Ervis Martinaj, Suel Çela dhe Talo Çela, këta dy të fundit nga Elbasani. Operacioni është shtrirë në Elbasan dhe në disa qytete të vendit për goditjen e personazheve të krimit, apo kapjen e personave që lëvizin të armatosur.
Por asnë nuk u arrestua. Ishte Nuredin Dumani që hapi “Kutinë e Pandorës” me rrëfimet për vrasjen e bujshme që solli arrestimet dhe shpalljet në kërkim të bosëve.
Blic në Elbasan! FNSH lëshohet drejt “Plumbit të Artë”! Kush është shënjestra?
Por si u implikua Ervis Martinaj?
Nuredin Dumani dëshmoi në SPAK në kuadër të dosjes ‘Plumbi i Artë’ se ka marrë porosi nga Ervis Martinaj për të vrarë në këmbim të shumës 500 000 Euro dhe se ka marrë paradhënie shumën prej 100 000 Euro.
Gjithashtu Nuredini shpjegoi se në emër të Ervisit kanë vajtur dhe e kanë takuar në Kosovë dy persona një i thirrur Eli dhe një tjetër që është vëllai i Besian Xhixhës.
Ata kanë vajtur me një automjet tip Hummer. Gjatë takimit Eli ka komunikuar me Ervisin dhe më tej me telefonin e Elit ka komunikuar me Elvisin i cili i ka propozuar vrasjen e Indrit Dokles.
SPAK ka arritur të vërtetojë se Eli është pikërisht Elvin Merlika, kurse personi që Nuredin Dumani e prezanton si vëllai i Besianit është pikërisht shtetasi Alket Xhixha.
Alket Xhixha dhe Elvin Merlika kanë udhëtuar në drejtim të Kosovës me automjetin tip Hummer të cilin e identifikon Nuredin Dumani.
Në vijim të komunikimeve Nuredin Dumani tha se ka marrë një shumë prej 100 000 Euro nga Martinaj për të vrarë Doklen, por nuk e kreu porosinë. Këtë variant e ka konfirmuar edhe Henrik Hoxhaj.
