Selena Gomez ishte në një lidhje për një kohë të gjatë me këngëtarin kanadez, Justin Bieber dhe ndarjen e tyre shkaktoi shumë reagime.
Por rezulton dashuria e jetës së këngëtares nuk ishte Bieber.
Gomez ishte e ftuar në “The Tonight Show With Jimmy Fallon”, ku për herë të parë zbuloi se kush ishte dashuria e jetës së saj dhe me kë pati puthjen e parë.
Këngëtarja tha se dashuria e jetës së saj nuk ishte Justin Bieber, por aktori Cole Sprouse duke shtuar se ishte e fiksuar pas tij kur ishte më e re.
Madje, në dokumentarin e saj me titull “My Mind & Me”, Gomez kishte vizituar shtëpinë e vjetër ku jetonte kur ishte e re dhe në një mur kishte shkruar emrin e Sprouse.
Më pas ajo zbuloi gjithashtu se puthja e saj e parë ishte në ekran dhe nuk ishte me Cole por me vëllain e tij binjak, Dylan.
Në emisionin e Fallon, ajo komentoi se ishte shumë e dashuruar pas tij.
E pyetur nga prezantuesi nëse ishte e zhgënjyer që kishte puthur vëllain e Cole, këngëtarja tha se u ndjeva shumë më mirë që nuk ishte ai pasi mendonte se ndoshta do të dukej keq.
Gomez dhe Bieber u takuan në vitin 2011 me shumë ulje-ngritje deri në vitin 2015, kur u ndanë përgjithmonë.
Në të njëjtin vit, Bieber takoi Hailey Baldwin, me të cilën është i martuar edhe sot e kësaj dite.
Siç u shpreh ajo në “Selena Gomez: My Mind & Me” , ajo ndihej e përhumbur prej vitesh, pasi gazetarët ishin bërë hija e saj, si gjatë lidhjes, ashtu edhe pas ndarjes së tyre.
“Gjithçka ishte kaq publike, u ndjeva e ndjekur nga një marrëdhënie e vjetër që askush nuk donte që unë ta lija pas. Por kur sapo e kalova, nuk pata më frikë”, tha këngëtarja.
