Dokumentari “Harry & Meghan” u shfaq premierë dhe familja mbretërore britanike është sërish në kryetitujt e mediave ndërkombëtare.
Princi Harry shfaqet duke thënë se gratë që martohen me gjak blu duhet të jenë “të gatshme dhe të afta”.
Gjatë episodit, Princesha e Uellsit shfaqet në ekran pranë një titulli gazete që thotë: “Princesha në krizë”.
Duke iu referuar grave që u martuan në familjen mbretërore britanike, Princi Harry u shpreh se dhimbja dhe vuajtja e grave që martohen në këtë institucion është e tmerruar.
“Nuk doja që historia të përsëritej. Askush nuk e di të gjithë të vërtetën, përveç nesh,” u shpreh ai.
Ndërsa Princi Harry po i referohej këtyre grave, traileri shfaqi pamjet e Princeshës Diana dhe Kate, Princesha e Uellsit, të ndjekura nga paparacët.
Në dokumentar, Princi Harry ndau edhe ankthin që kishte si beqar për të gjetur gruan që do t’i rezistonte gjithë këtij presioni mediatik.
“Çdo marrëdhënie që kam pasur, brenda javësh apo muajsh, është shkatërruar për shkak të ekspozimit të tepërt që po merrte ky person dhe familja e tij. Kështu që kur takova Meghan u tmerrova se media do ta largonte nga unë. E njëjta media që kishte përzënë njerëzit e tjerë ,” shtoi ai.
Në “Harry & Meghan”, redaktori mbretëror Robert Hazell dha një pasqyrë të mëtejshme mbi sprovat nëpër të cilat gratë kalojnë për të hyrë në familjen mbretërore.
Teksa u shfaq një foto e William dhe Kate, Robert Hazell tha: “Ata kanë shumë pak autonomi në zgjedhjen e së ardhmes së tyre. Gjysma e radhës për fronin britanik duhej të merrte miratimin e Mbretëreshës Elizabeth për t’u martuar”.
Kjo do të thotë se Princesha e Uellsit me sa duket kishte miratimin e të ndjerës Elizabeth për t’u martuar me nipin e saj, Princin William.
