Modelja Irina Shayk ka tërhequr sërish vëmendjen me paraqitjen e saj më të fundit në British Fashion Awards.
Shpesh modelja e njohur zgjedh krijime të veçanta për paraqitjet e saj zyrtare, ndërsa i kombinon me aksesorë unikë dhe të personalizuar.
Këtë e ka dëshmuar me veshjen e saj të veçantë gjatë paraqitjes së saj të fundit.
Ajo u shfaq në tapetin e kuq të British Fashion Awards disa ditë më parë me një fustan me shkëlqim dhe me këpucët kafe prej kamoshi.
Krijimi përbëhej nga një busti pa rripa me një bel të ngushtë që hapej në pjesën e poshtme dhe vazhdonte në fund me një të çarë në pjesën e pasme.
Fustani me shkëlqim ishte i qëndisur, i punuar me materiale 100% të riciklueshme, pa veshje metalike, gjë që e bën atë lehtësisht të riciklueshëm.
Irina Shayk e kombinoi veshjen me këpucë të sheshta, grim të guximshëm dhe flokë të lëshuara.
