Serbët në veri të Kosovës pas incidenteve të ditëve të fundit kanë vendosur barrikada dhe së fundimi kanë ngritur tenda të cilat bllokojnë rrugët.
Në Rudarë në Zveçan aktualisht janë ngritur disa tenda në të cilat po qëndrojnë serbët të cilët kanë bllokuar rrugët.
Situata vazhdon të jetë tejet e tensionuar.
Policia e Kosovës ka bërë me dije se disa policë të Kosovës janë sulmuar me armë zjarri në afërsi të Ujmanit dhe se janë kundërpërgjigjur në vetëmbrojtje.
Këto lëvizje të serbëve kanë ardhur pas arrestimit të ish-policit të Kosovës në Jarinje, Dejan Pantiç.
