Shkodra po pëson një përsëritje të situatë të dy javëve më parë për shkak të reshjeve të dendura të shiut.
Bashkia e Shkodrës ka bërë me dije se deri më tani janë 500 hektarë tokë nën ujë.
“Rreth 500 Ha tokë bujqësore ndodhen të përmbytura në Bashkinë Shkodër, kryesisht në njësinë administrative Ana e Malit, ndërsa disa fshatra janë pa energji elektrike,” ka njoftuar bashkia.
Po ashtu segmenti Dedaj–Bogë, pikërisht në përroin e Thatë, ku ndodhi dhe tragjedia ku humbën jetën babë e bir, është përmbytur sërish.
Niveli ujit është i paqëndrueshëm dhe rruga momentalisht është e bllokuar, ku janë vendosur sinjalistika që banorët të kalojnë në rrugë alternative.