Ministri i Drejtësisë Ulsi Manja deklaroi sot se për këtë vit nuk do të ketë amnisti për të burgosurit.
“Drejtoria e përgjithshme e Burgjeve dhe Ministria e Drejtësisë sigurisht që janë në fazën e vlerësimit. Do të kemi një amnisti, por për këtë vit parlamenti një ose dy seanca ka” tha Manja.
Manja komentoi edhe zgjedhjen e kreut të ri të SPAK-ut dhe përfshirjen me mesazhe të forta të ambasadores amerikane në Tiranë, Yuri Kim.
“Drejtësia tashmë ka qeverinë e vet, prokuroria ka sistemin e lartë të prokurorisë ndërsa sistemi gjyqësor ka Këshillin e Lartë Gjyqësor.
Është tërësisht në kompetencat e palëve të KLP-së të vendosi se cili do të jetë drejtuesi i ri i SPAK-ut” tha ai.
