Sulmuesi shqiptar, Armando Broja ka mbyllur sezonin për këtë vit me Chealsean pasi pësoi një dëmtim të rëndë gjatë miqësores kundër Aston Villas.
Pas njoftimit se ai nuk do luajë për këtë sezon Broja ka bërë një postim në rrjetet sociale, ku shkruan se do të rikthehet së shpejti.
“I shkatërruar që 2022-ën ta mbyllim në këtë mënyrë. Ka qenë e vështirë të përpunosh gjithçka gjatë ditëve të fundit, por jam i vendosur të kthehem edhe më i fortë dhe më i mirë se më parë” shkruan ai.
“Secili ka udhëtimin e tij drejt majës, kjo është vetëm një pengesë e vogël për gjërat e mira që do të vijnë në të ardhmen. Faleminderit të gjithëve që keni dërguar mesazhe mbështetjeje. Do të thotë shumë. I vlerësoj të gjithë. Do të kthehem së shpejti”, shtoi Broja.
