Sulmuesi francez Karim Benzema të dielën do të jetë në Katar për finalen përballë Argjentinës, por jo në fushë. Në shkallët e stadiumit.
Të paktën për momentin. Nëse nuk ndodh surpriza e madhe në ditët në vijim.
Ai ishte i pafat, pasi u dëmtua para nisjes së Botërorit dhe nuk arriti të marrë pjesë me Francën në Katar 2022, megjithatë emri i tij figuron ende në listën prej 26 futbollistësh të “gjelave”.
Pikërisht për këtë arsye, sulmuesi ka prerë biletën për në Katar, për të ndjekur finalen me shokët e tij të përfaqësueses.
Mundësinë e përfshirjes në fushë duket se e ka vulosur edhe vetë trajneri Deschamps.
Ai u pyet mbrëmë nëse do ta ftonte sulmuesin dhe përgjigja ishte e prerë; “kalojmë tek pyetja tjetër”.
