Ylli i Francës, Kylian Mbappe festoi fitoren e skuadrës së tij në gjysmëfinalen e Kupës së Botës ndaj Marokut të enjten, por shpejtoi të ngushëllonte mikun e tij dhe bashkë lojtarin te Paris Saint-Germain, Ashraf Hakimi.
Francezët mundën 2-0 Marokun për të kaluar në finale kundër Argjentinës. Një gol nga mbrojtësi i majtë Theo Hernandez dhe një gol i dytë nga Randall Kolo Mouani e çuan Francën në finalen e katërt të Kupës së Botës dhe i dha fund ecurisë së ëndrrave të Marokut.
Mbappe shkoi për të ngushëlluar Hakimin, i cili luajti një rol të madh në ecurinë e ëndrrave të skuadrës marokene drejt Kupës së Botës. Dy lojtarët janë përqafuar dhe pas përfundimit të ndeshjes kanë shkëmbyer fanellat.
Mbappe më vonë lavdëroi Hakimin në Twitter duke theksuar se ai bëri “histori” dhe shtoi se të gjithë janë krenarë për të. “Mos u trishto vëlla, të gjithë janë krenarë për atë që ke bërë, ke bërë histori”, ka shkruar Mbappe në Twitter.
