Kroacia zuri vendin e tretë në Kampionatin Botëror të Katarit, ku fitoi medaljen e bronztë pasi mposhti Marokun me rezultat 2-1.
Kroacia fitoi vendin e tretë në Kampionatin Botëror për herë të dytë në histori.
Trajneri i Kroacisë, Zlatko Dalic këtë sukses ia dedikoi ish trajnerit të njohur Miraslav Cira Blazevic.
“Kjo është një e bronztë me një shkëlqim të artë. Ishte një ndeshje e vështirë, kjo është një medalje për të gjithë popullin kroat, për të gjithë ata që brohorasin për ne”.
“Ne fituam dy medalje në dy kampionate botërore radhazi. Dua të them se fitorja i dedikohet Cira Blazevicit, njeriut që filloi të gjitha këto”
“Pakkush e priste këtë. Falënderime për djemtë, ata punuan shumë dhe luajtën për rezultatin. Fituam një medalje bronzi në këtë lloj gare, është fantastike. Të gjithë ata që ishin të mirë luajtën sot”, ka thënë Zlatko Dalic për HRT pas ndeshjes.
https://twitter.com/FIFAWorldCup/status/1604164707816198144?ref_src=twsrc%5Etfw%7Ctwcamp%5Etweetembed%7Ctwterm%5E1604164707816198144%7Ctwgr%5E05e49c35bdb8dddc74923edc31897453f5bbc588%7Ctwcon%5Es1_c10&ref_url=https%3A%2F%2Ftelegrafi.com%2Fdalic-flet-pas-fitores-per-vendin-e-trete-medalja-dedikohet-cira-blazevic-ai-nisi-gjithcka%2F
