Gazetarja Doriana Bezat deklaroi se agjenti i policisë Jeton Lami që është pas hekurave ka treguar emrat e policëve dhe shefave që mbronin Ervis Martinajn nga arrestimi.
“Një pikë e vlefshme është Jeton Lami. Ka informacione se ai ka dhënë një dëshmi, jo vetëm për rastin Martinaj, por edhe për tentakulat e krimit që kanë kapur personazhe të caktuar në policinë e shtetit. Kush i jepte mbrojtje Ervis Martinajt që të lëvizte lirisht?
Sigurisht nuk mund ta bënte një polic i vetëm si Jeton Lami. Sigurisht që ai ka pasur edhe mbështetje të tjera”. Kështu deklaroi mbrëmë gazetarja Doriana Bezat në “Top Story” për rastin e zhdukjes së Ervis Martinajt.
“Vrasja e Martianjt, a ka korrelacion me uljen e vrasjeve në tërësi?”.
Ngriti pyetjen drejtuesja e emisionit Grida Duma, por gazetarja ndërhyri duke thënë se “nuk mund të themi se kemi të bëjmë me një vrasje për sa kohë institucionet nuk janë shprehur për rastin Martinaj.
Është enigmë. Nuk dihet nëse kemi të bëjmë me zhdukje personi, inskenim apo vrasje”.
