Adele aktualisht po kryen një rezidencë koncertesh në Las Vegas. Por ajo mori pak kohë për të ndihmuar të dashurin e saj Rich Paul të festonte ditëlindjen e 41-të gjatë fundjavës.
Krijuesja e hitit “Someone Like You”, 34 vjeçe, i këndoi “Gëzuar ditëlindjen” agjentit të NBA gjatë setit të saj.
Duke iu drejtuar turmës, ajo tha: Shpejt, sot është ditëlindja e të dashurit tim.
“Dhe unë e dua atë më shumë se vetë jetën, kështu që a mund t’i urojmë atij ditëlindjen? Emri i tij është Rich!”, tha ylli i muzikës.
Ajo më pas udhëhoqi audiencën në urimin për Rich, i cili ishte i pranishëm në shfaqje me vajzën e tij Reonna.
Këngëtarja e “Easy On Me” ka performuar në The Colosseum në Caesars Palace për rezidencën e saj “Weekends With Adele”, e cila filloi muajin e kaluar.
Nuk është referenca e parë që Adele i bën të dashurit të saj kohët e fundit, pasi ajo bëri shaka se ai ishte ‘zemëruar’ pasi një fans tentoi t’i jepte numrin e tij të telefonit gjatë një koncerti.
Këngëtarja i ka pastruar thashethemet gjatë performancës së saj, teksa këmbënguli se frekuentuesi i koncertit në fjalë “po përpiqej t’i shiste një makinë”.
